సిటీకి వెళ్లడం కోసం.. పుస్తకాలు తగలబెట్టి, కిడ్నాప్ డ్రామా ఆడిన యువతి, ఎలా దొరికిపోయిందంటే?

నచ్చని బడిలోనే, కాలేజీలోనే చేర్పిస్తే పిల్లలు ఏడ్చి గోల చేస్తారు. తమకు అక్కడ చదవడం ఇష్టం లేదని తెగేసి చెప్పేస్తారు. కానీ మనం ఇప్పుడు చూడబోయే ఓ అమ్మాయి మాత్రం.. తన స్థానికంగా ఉన్న కాలేజీలో చదవడం ఇష్టం లేక.. ఒక క్రైమ్ థ్రిల్లర్ సినిమాను మించిన స్క్రిప్ట్ రాసింది. కారులో కిడ్నాపర్లు రావడం, కత్తులతో దాడి చేయడం, చివరికి చాకచక్యంగా తప్పించుకోవడం.. ఇలా ఆమె చెప్పిన కథ వింటే ఎవరైనా నిజమే అనుకోవాల్సిందే. సాక్షాత్తు స్థానిక ఎమ్మెల్యే కూడా ఆసుపత్రికి వచ్చి పరామర్శించారంటే ఆమె నటన ఏ స్థాయిలో ఉందో అర్థం చేసుకోవచ్చు. కానీ పోలీసుల విచారణలో ఈమె బండారం బయటపడగా.. అంతా ముక్కున వేలేస్కుంటున్నారు.