తెలంగాణ రాష్ట్ర రాజకీయాల్లో సంచలనం: కౌన్సిలర్‌గా ట్రాన్స్‌జెండర్ ఘన విజయం...కాంగ్రెస్ అభ్యర్థిపై గెలుపు

తెలంగాణలో మున్సిపల్ రాజకీయ చరిత్రలో సంచలన పరిణామం చోటు చేసుకుంది. గతంలో ఎన్నడూ లేని విధంగా ట్రాన్స్‌జెండర్ విజయపతాకం ఎగురవేశారు. నల్గొండ జిల్లా చిట్యాల మున్సిపాలిటీలోని 1వ వార్డులో ట్రాన్స్‌జెండర్ అభ్యర్థి నాగిళ్ల కావేరి సుధాకర్ ఘన విజయం సాధించారు. అంతేకాదు ఏకంగా ఇండిపెండెంట్ అభ్యర్థిగా బరిలోకి దిగిన నాగిళ్ల కావేరి సుధాకర్ కాంగ్రెస్ మద్దతుతో పోటీ చేసిన సీపీఎం అభ్యర్థి నగేశ్‌పై 109 ఓట్ల ఆధిక్యంతో కౌన్సిలర్‌గా ఎన్నికవ్వడం సంచలనంగా మారింది. తెలంగాణ రాష్ట్రంలో ట్రాన్స్‌జెండర్ అభ్యర్థి మున్సిపల్ ఎన్నికల్లో గెలుపొందడం ఇదే తొలిసారి కావడం విశేషం. ఈ చారిత్రాత్మక విజయంపై రాజకీయ పార్టీలు, సామాజిక సంస్థలు అభినందనలు తెలియజేశారు. ట్రాన్స్‌జెండర్ సమాజానికి రాజకీయ గుర్తింపు పెరగడం ప్రజాస్వామ్యానికి శుభసూచకమని రాజకీయ విశ్లేషకులు అభిప్రాయపడుతున్నారు., News News, Times Now Telugu