దీపావళికి యునెస్కో గుర్తింపు.. అమూర్త సాంస్కృతిక వారసత్వం జాబితాలో చేరిక

భారతదేశ సంస్కృతికి అత్యంత గర్వకారణమైన రోజుగా డిసెంబర్ 10వ తేదీ నిలుస్తోంది. ఎందుకంటే ఈరోజు దీపావళి పండుగని యునెస్కో (UNESCO) తన ప్రతిష్టాత్మక అమూర్త సాంస్కృతిక వారసత్వం జాబితాలో అధికారికంగా చేర్చింది. ఈ గుర్తింపుతో యోగా, దుర్గా పూజ వంటి సంప్రదాయాల సరసన దీపావళి నిలిచి.. యునెస్కో జాబితాలో స్థానం సంపాదించిన 16వ భారతీయ సంప్రదాయంగా రికార్డు సృష్టించింది. ఆశపై నిరాశ, సామరస్యంపై విభజన విజయాన్ని చాటే ఈ పండుగకు ప్రపంచ గుర్తింపు లభించడంపై కేంద్ర సాంస్కృతిక, పర్యాటక శాఖ మంత్రి గజేంద్ర సింగ్ షెకావత్ యునెస్కోకు కృతజ్ఞతలు తెలిపారు. ఎర్రకోట వేదికగా జరుగుతున్న యునెస్కో అంతర్-ప్రభుత్వ కమిటీ సమావేశంలో ఈ చారిత్రక నిర్ణయం తీసుకున్నారు.